Ана Окса, италијанска музичка дива со албанско потекло, со децении ја освојува публиката со својот талент, уникатен стил и слободен дух. Иако повеќето ја знаат како убавицата со ангелски изглед и глас, на малкумина им „избега“ нејзиниот бурен љубовен живот, кој особено го истакнува нејзиниот турбулентен брак со најбогатиот човек на Косово.
Родена е во Бари во 1961 година како Илиријана Хоџа. Нејзиниот татко бил од Албанија, додека нејзината мајка била Италијанка. Кога одлучи да стане пејачка – на само 15 години – го зеде уметничкото име Ана Окса. Ова ѝ помогна да се истакне во музичката индустрија, особено на италијанската сцена, каде што уметничките имиња често се дел од идентитетот на уметникот.
Исто така, името Ана Окса повеќе е во согласност со нејзината намера да се дистанцира од своето албанско потекло во време кога етничките разлики може да бидат пречка за нејзината кариера.
Кариерата на Ана Окса официјално започна во 1978 година. Благодарение на нејзиното експериментирање со различни музички стилови, таа стана едно од најпрепознатливите имиња на италијанската музичка сцена. Нејзините песни, како „È tutto un attimo“, „Senza pietà“ и ненадминатиот хит „Donna con te“, станаа класика.
Нејзината изведба на песната „Fiorellin del Prato“ ја освои публиката и ѝ го донесе прекарот „Глас и срце“.
Во текот на нејзината кариера, Ана беше незаменлив дел од фестивалот „Санремо“, каде што се истакна, не само музички со извонредните изведби на песни, туку и со нејзините иновативни модни избори.
Покрај музиката, Ана Окса е позната и по интригантните љубовни приказни и турбулентниот емотивен живот. Се мажела четири пати, а секој брак привлекувал големо внимание во јавноста.
Поврзани објави
Прво беше во брак со музичарот Френк Сиани, но пејачката го напушти кога разви чувства кон Џани Белен, тапанарот на ро- групата „Њу Тролс“. Со него имаше две деца – ќерката Франческа и синот Ќазим.
А потоа дојде бракот, кој беше следен со особена и зголемена ревност на Балканот, со оглед на тоа што нејзиното срце го освои Беџет Пацоли, милијардер и политичар – најбогатиот човек на Косово, вреден дури 743 милиони долари. Неговото контроверзно минато често беше во фокусот на медиумите, но неговата романса со познатата пејачка не траеше долго бидејќи, како што изјави, „Ана била премногу љубоморна и посесивна“.
Сопственичката на бројни хитови четврти пат се омажи со Марко Сансонети, кој беше 22 години помлад од неа, а кој претходно ѝ беше личен телохранител – но и нивната среќа не траеше долго.
Пејачката денес живее повлечено во Швајцарија, каде што им се посвети на природата и уметничкото творештво.
Фото: Инстаграм
