Во пресрет на најавениот настап во Ливно, дел од јавноста јавно го искажува своето незадоволство и апелира концертот да не се посетува
Во пресрет на концертот на Северина Вучковиќ, кој треба да се одржи во Ливно, изминативе денови низ градот се појавија плакати и јавни повици за бојкот. Дел од граѓаните преку социјалните мрежи, но и со јавно истакнати пораки, ги повикуваат сограѓаните да не присуствуваат на музичкиот настан.
Незадоволството, како што се наведува, произлегува од јавните ставови и настапи на пејачката, кои дел од локалната заедница ги смета за контроверзни и неприфатливи. Повиците не останаа само во виртуелниот простор, туку се префрлија и на улиците, особено во близина на местото каде што треба да се одржи концертот.
Поврзани објави
На еден од плакатите стои порака во која се наведува дека пејачка која, според авторите, „ги исмејува светините и слави абортус“ не е добредојдена во градот. Во пораката се истакнува дека во Ливно животот се брани, а верските вредности се почитуваат, со јасен апел до граѓаните да го бојкотираат концертот.
Слични реакции имаше и неодамна, кога беше најавен концерт на пејачката во Љубушки, кој исто така предизвика бурни коментари и повици за бојкот. Дел од јавноста смета дека нејзините настапи во Херцеговина се несоодветни, додека други апелираат на слобода на избор и уметнички израз.
printskrin youtube – HRVATSKA TV – severina
