Table of Contents
Летото можеби заминува, но спомените од него вчеравечер останаа да живеат во прекрасна атмосфера во Вила Ина, Горно Нерези, каде што околу 400 гости се собраа на „Bye Bye Summer“ – големото дружење со кое на најубав начин беше испратена летната сезона.
Инфлуенсери, јавни личности, претставници на медиумите, пријатели, соработници и поддржувачи на настанот уживаа во вечер исполнета со музика, танц, дружење и добро расположение. Гостите имаа можност да наздрават за летото што заминува, но и за сите убави моменти што допрва доаѓаат.
Од првиот до последниот момент, „Bye Bye Summer“ ја задржа енергијата на вистинска летна прослава. Добрата музика и танцот беа неизоставен дел од вечерта, а насмеаните лица и позитивната атмосфера покажаа дека летото може да заврши календарски, но неговиот дух може да продолжи уште долго.
ВЕЧЕР ЗА ДРУЖЕЊЕ, ЗДРАВИЦИ И УБАВИ СПОМЕНИ
Посебно внимание привлече богатата понуда на подароци за присутните, со што вечерта доби уште еден забавен и возбудлив момент. Гостите имаа можност да уживаат и да си заминат со убави изненадувања, заокружувајќи ја атмосферата на оваа летна приказна.
„Bye Bye Summer“ уште еднаш покажа дека добриот настан не го создава само просторот, туку пред сè луѓето, енергијата и желбата за заедничко славење. А вчеравечер токму тоа беше најважно – да се ужива, да се наздрави и со насмевка да се испрати летото.
ПОДДРШКА ОД БРОЈНИ ПОКРОВИТЕЛИ
Настанот беше реализиран со поддршка на партнерите и покровителите, кои придонесоа за содржината и атмосферата на „Bye Bye Summer“.
Silver partner: Diva – Lattafa, Top Face
Покровители: Violeta – Lasta, Flormar, Sinoz, Vitalia, Универзитет Скопје, Neutrogena, Mentos, Оптики Македонија, Monteko – вина, Dobra voda, Ladna, Avant 2GO, Titos и Monin.
Поврзани објави
Со нивната поддршка, последната голема летна вечер доби дополнителна содржина, а гостите имаа можност да се запознаат со производите и брендовите што беа дел од настанот.
ЛЕТОТО ЗАМИНА, НО ЕНЕРГИЈАТА ОСТАНУВА
„Bye Bye Summer“ беше повеќе од испраќање на една сезона. Беше повод на едно место да се соберат луѓето што го одбележаа летото – од јавната и медиумската сцена, преку инфлуенсерската заедница, до пријателите и поддржувачите на настанот.
Со здравици, музика, танц, подароци и многу насмевки, летото беше испратено токму онака како што треба – во друштво, со добра енергија и со желба убавите моменти да продолжат и во сезоната што следува.
Музичката програма ја отвори диџеј Boogieman со извонреден сет, а подоцна сцената им ја отстапи на Pate Conga, Igor Sax и DЈ Toshe.
А ако се суди според атмосферата во Вила Ина, едно е сигурно: летото можеби заврши, но доброто расположение дефинитивно не си замина.
Текст: Бојана Стојменовиќ
Фото: Никола Даневски, Бодан
