Околу 160 луѓе во Турција беа арестирани заради поширокување страв на социјалните мрежи, откако се случија земјотресите.

Генералниот директорат на турската полиција соопшти дека вкупно 157 лица во Турција биле приведени поради ширење на провокативни објави на интернет по разорните земјотреси на 6-ти февруари. Во рамките на овластувањата дадени со закон, Единицата за компјутерски криминал работи деноноќно. Идентификувани се 1.139 лица со профили за кои се верува дека објавиле провокативна содржина поврзана со земјотресите на платформите на социјалните медиуми. Се верува дека објавите биле со цел да се создаде страв меѓу турските граѓани. Против 651 лице е поведена судска постапка, приведени се 157, а на 29 од нив им е одреден притвор.