Собранието на Република Северна Македонија со 81 глас „за“ и 19 „против“ го изгласа Предлог-законот за изменување и дополнување на Законот за прекршоци, со што се отвора патот за официјален почеток на системот „Безбеден град“ од 1 февруари 2026 година.
Овој систем претставува мрежа од камери и технички средства што автоматски ќе ги снимаат сообраќајните прекршоци како пречекорување на брзина, минување на црвено светло, истечена регистрација или неправилно паркирање.
Кога ќе биде забележан прекршок, сопствениците на возилата ќе добиваат СМС порака или електронска појава со официјален извештај и налог за плаќање на казната, што може да се плати електронски.
Целта на проектот е да се подобри безбедноста на патиштата, да се зголеми дисциплината кај возачите и да се намали бројот на сообраќајни незгоди и жртви на улиците.
Проектот веќе беше во пробна фаза со автоматско снимање и известување, а од 1 февруари ќе започне и официјалното санкционирање.
