Сармата на Предраг Оцокољиќ е вкусна.
Предраг Оцокољиќ, зет на Цеца Ражнатовиќ, отсекогаш важел за главна машка фигура во нивното семејство. Сепак, малкумина знаеја дека поранешниот фудбалер е и главен готвач на семејството, а неговата сарма е омиленото јадење на сите што ја пробале.
Имено, фризерот Стеван Радивојевиќ при вчерашното пристигнување на прославата на свети Никола кај Цеца откри дека едвај чекал да ги изеде сармите на Предраг.
Десет години доаѓам кај Цеца. Секогаш е забавно и позитивно. Има многу прекрасни луѓе. Трпезата е одлична. Ги сакам сармите на зетот на Цеца, кои се направени од чаден крап. Цел ден фантазирам за нив – изјави вчера Стеван.
Поврзани објави
Состојки:
– 1 голема главица зелка
– 1/2 кг димен крап
– 4 главици кромид
– 2 шолји ориз
– малку масло
– малку брашно
– малку мешан зачин
– 1 лажица зачинета црвена пиперка
– малку сол
– малку црн пипер
Исчистете ја зелката и извадете ѝ го коренот. Извадете ги коските од чадениот крап и ситно исечкајте го или сомелете го. На масло пропржете 3 главици ситно сечкан кромид. Кога кромидот ќе порумени, додајте малку црвен пипер и иситнетиот крап и продолжете со пржење уште 2-3 минути.
Тргнете го од оган и додајте го оризот. Зачинете по вкус.
Добро измешајте ја смесата. Свиткајте ги сармите и ставете ги во длабок сад. Направете сос од 3 лажици масло, 2 главици кромид, 1 лажица брашно и 1 лажица црвен пипер. Прелијте го сосот врз сармата, додајте вода и варете на тивок оган додека омекне зелката.
Фото: Инстаграм @lidija_ocokoljic_
