Богдана Ражнатовиќ повторно го привлече вниманието на јавноста по расправата што настана откако нејзиниот најмлад син Исаија во градинка бил облечен во костим на бубамара со здолниште.
Откако нејзиниот сопруг Вељко јавно го изрази незадоволството од случувањата во градинката, Богдана сега повторно се огласи на социјалните мрежи. Таа сподели објава од една воспитувачка која се осврна на целата ситуација и го изнесе своето мислење за тоа дали здолништето е соодветно парче облека за момчињата.
Иако Богдана не додаде личен коментар, самото споделување на објавата привлече внимание. Во неа се прави разлика меѓу детски костим и здолниште како дел од облеката.
Во пораката што Богдана ја сподели се наведува дека проблемот не е во тоа што момче е облечено како бубамара, туку во конкретниот избор на облека.
„Мислам дека во оваа ситуација се мешаат две сосема различни работи. Никој не оспорува дека момче може да биде бубамара, да носи црвена боја, крилца и да ужива во костимот. Тоа е детска игра и тука навистина не гледам проблем. Меѓутоа, не е исто да се прифати одреден костим и да се смета дека здолништето е соодветен избор на облека за момче. Мислам дека токму таа разлика се занемарува во целата расправа“, се наведува во објавата на воспитувачката.
Особено се издвојува и пораката испишана со големи букви:
„ЗДОЛНИШТЕ ЗА МОМЧЕ: НЕ! КОСТИМ ЗА МОМЧЕ: ДА!“
Поврзани објави
Во продолжение, воспитувачката повикува да се направи разлика меѓу детските костими и здолништата наменети за девојчиња.
Со споделувањето на оваа порака, Богдана повторно го привлече вниманието кон темата, откако Вељко претходно јавно зборуваше за своето незадоволство од постапката на вработените во градинката.
Целата ситуација започнала кога Богдана дошла да го земе најмладиот син Исаија од градинката и го затекнала облечен во костим на бубамара со здолниште.
Вељко Ражнатовиќ не го криеше незадоволството, па одлучи јавно да реагира. Подоцна за српските медиуми откри дека планира да ги отпише сите три сина – Жељко, Крстан и Исаија – од установата што ја посетуваат.
„Добро сум, супер, имало и подобри денови. Јас како родител имам право да знам што се случува во некоја установа што ја посетува моето дете“, изјави тогаш Вељко.
Тој нагласи дека родителите треба да бидат информирани за активностите во кои учествуваат нивните деца додека се во градинка.
Неговата реакција предизвика бројни коментари на социјалните мрежи. Дел од јавноста застана на негова страна, сметајќи дека има право сам да одлучува за воспитувањето на своите деца. Други, пак, оценија дека реакцијата е претерана, бидејќи станува збор за детски костим и игра.
Сега, со новата објава, Богдана повторно покажа дека темата не е завршена, а расправата околу костимот на најмалиот син продолжува.
