Ова е најскапото куче на светот, кученце е продадено за два милиона долари

Најскапото продадено куче на светот, е кученцето Golden Tibetan Mastiff, за кое еден Кинез пред неколку години платил дури два милиони долари.

Во моментот на продажбата кученцето тежело 90 килограми и било високо 80 сантиметри.Терминот мастиф Европејците го користеле за сите крупни раси на кучиња, па го користеле и за ова кученце кое всушност е тибетско планинско куче или хималајско планинско куче. Потекнува од номадските култури на Тибет, Кина, Индија, Монголија и Непал.Како што сугерира името, расата потекнува од Тибет, каде што (вклучувајќи го и регионот на Хималаите) се користела како куче чувар за добитокот, но и за куќата на своите господари. До средината на 20 век, расата, која е позната и како Do Khyi, била речиси непозната во Европа, а европските одгледувачи се најодговорни што не изумреле.Постојат неколку легенди за неговото потекло. Една од нив вели дека пристигнале во Централна Азија по Атила Хунот. Има и една која што вели дека тибетскиот мастиф е „божјо куче“ бидејќи ја претставува трансформацијата на тибетски свештеник во куче.По спектакуларната продажба од два милиони долари, одгледувачниците се фрлија на одгледување на овие кучиња, но се покажало дека се многу скапи за одржување. Тибетскиот мастиф не е куче за секого бидејќи неговата социјализација бара многу време.