Екстремни групи договориле криминален план за насилните протести во Србија преку апликацијата Телеграм“, објави „Информер.рс“.
„Ни треба само еден куршум! Не смее да пропушти! Ајде да удриме сите како едно и готово, а потоа контролираме се’, гласела една од пораките што се користеле за организирање на пучи атентатот врз претседателот Вучиќ.
Членовите на т.н „Народни патроли“ и други екстремистички организации се подготвувале за крвопролевање неколку недели пред состанокот и насилниот протест пред Претседателството!
Тие преку мобилната апликација „Телеграм“ размениле пораки во кои се договарале за навооружен напад врз шефот на државата. Безбедносните служби успеале да ја прекинат оваа комуникација и да го уапсат терористот Дејан Бобачек, кој од Бачка Паланка на протестот во Белград отишол вооружен со снајперски карабин и противтенковски куршуми.
Полицијата успеала да ги пробие сите шифрирани пораки на екстремистите, а на тој начин пронашла докази дека има навистина сериозен криминален план.
