Млад брачен пар одлучил да го задржи бебето и покрај деформитетот што бил откриен на ултразвукот. Нивната приказна добила голема поддршка ширум светот, инспирирајќи многумина да ги прифатат сличните животни предизвици со храброст.
Кога им било соопштено дека ќе добијат дете со физички деформитет, Сара и нејзиниот партнер Крис Хелер не се поколебале ниту за момент – одлучиле да го родат и да го сакаат својата бебе, и покрај советите на лекарите и блиските пријатели да го абортираат. Не им било важно што нивното дете ќе изгледа поинаку – биле подготвени на сите жртви што потенцијалните здравствени предизвици би ги донеле.
Сакавме да му дадеме шанса на животот, без разлика на сè. Не се двоумевме. Го сакавме нашето бебе уште пред да се роди,“ велат родителите.
Откако се родил нивниот син Броди, Сара и Крис решиле да ја споделат својата приказна со светот, надевајќи се дека ќе го променат начинот на кој луѓето ги доживуваат децата родени со физички оштетувања – и дека ќе им дадат сила на другите семејства што се соочуваат со слична одлука.
Човек треба да биде горд на своето дете, без оглед на околностите. Сакавме да покажеме дека она што се гледа на ултразвукот не мора да значи крај – и дека зад расцепот на усна или непце стои прекрасно дете,“ вели Сара Хелер, мајката на Броди.
Расцепот на усната и непцето се јавува кога ткивата на лицето не се спојуваат правилно при развојот на фетусот. Тој може да се детектира уште во 12-та недела од бременоста. Освен што има естетска компонента, оваа состојба може да го отежне хранењето, дишењето, пиењето и дури и смеењето кај бебето. Но, во најголем дел од случаите, се коригира со операција, а децата можат да водат нормален живот.
И покрај предизвиците, Сара и Крис со гордост ги споделувале фотографиите на својот син на социјалните мрежи. Добивале многу пораки со поддршка – но и непријатни прашања од луѓе кои не ја разбирале состојбата на Броди.
Поврзани објави
Одлучив да ги едуцирам луѓето наместо да се расправам со нив. Сакам и Броди, кога ќе порасне, да го прави истото – да образува, да објаснува, да зборува во име на децата кои сè уште немаат свој глас,“ додава храбрата мајка.
Денес, Броди има 8 години, среќно детство и, иако имал неколку оперативни зафати, тој расте во здраво и сакано опкружување.
Кога се роди Броди, сфативме колку многу луѓе ширум светот го имаат истиот проблем или го поминале тоа искуство. Не’ контактираа од сите делови на земјата, се молеа за нас, нудеа помош. Тоа ни даде огромна сила,“ заклучуваат Хелерови.
Фото: Инстаграм
