Најмалку 300 загинати во неколкунеделните протести во Бангладеш

Вкупниот биланс на загинати во судирите во Бангладеш се искачи на најмалку 300 луѓе, јавија западни медиуми. Во текот на вчерашниот ден загинаа 94 демонстранти, и тоа е најсмртоносниот ден во изминатите неколкунеделни антивладини демонстрации.

Извештаите на западните медиуми се засноваат на податоци од полицијата, официјални лица и лекари во болниците. Протестите треба да продолжат денеска во Дака каде има големи распоредувања на војници и полицајци кои патролираат по клучните патишта и поставуваат барикади до рутите до седиштето на премиерката Шеик Хасина.