Познатата инфлуенсерка и блогерка Ела Дворник повторно отворено проговори за личните предизвици со кои се соочува за време на разводот од Чарлс Пирс. Во ново видео објавено на Инстаграм, таа на хумористичен начин прикажа ситуацијата во која, иако веќе не се заедно, по одлука на судот, мора да живее со поранешниот партнер секоја втора недела.
Во видеото, Ела води разговор сама со себе, при што една „верзија“ прашува: „Не сте заедно, но ви рекоа дека морате да живеете заедно?“ На тоа втората верзија одговара: „Да, секоја втора недела.“ На прашањето „Па како не полудуваш?“, следи одговорот: „Ма што би полудила, еве ме, супер сум.“ Видеото завршува со сцена во која станува јасно дека разговара сама со себе, а во описот таа додава: „Сè е во ред, не грижете се.“
Поврзани објави
Ела подоцна објасни дека видеото не е критика упатена кон Чарлс, туку кон институциите:
„И да се разбереме, ова е критика на системот, а не на мојот поранешен. Ова го дозволува системот, не луѓето. Ни нему, ни мене не ни е драго.“
Во претходни објави, таа сподели дека со Чарлс понекогаш живеат под ист покрив, особено поради договореното заедничко старателство над нивните две ќерки – Бали Ди и Луми Врен. Според привремената судска одлука, девојчињата живеат со својот татко во семејната куќа во Истра, додека Ела моментално живее како подстанар во Нови Загреб.
Фото: Инстаграм Принтскрин https://www.instagram.com/p/DOtYJorjAf4/?hl=en&img_index=1
