Трендовите на патиките се менуваат од сезона во сезона. Сепак, едно нешто останува константно низ годините: нашите омилени модели на патики остануваат исти, ние само ги менуваме дезените и материјалите.
Miu Miu можеби нè фасцинира и диктира трендови дури и во овој свет, но Adidas Samba, Puma Speedcat, Onitsuka Tiger и New Balance 530 остануваат најпопуларните модели на патики оваа сезона. Секако, во ново издание.
Најпопуларните модели на патики за есен 2025:
Adidas Samba
Samba останува убедливо најчестиот модел што го гледаме на фидот. Оваа есен тие пристигнуваат во нови комбинации: Orbit Green со Cream White, Sand Strata со Magic Beige… Значи, зелена, жолта и кафеава, така ќе ги носиме. Се појавуваат и во дезен на змиска кожа, ако сакате екстраваганција. А како да ги носиме? Како што сакате и каде сакате! Со плисирани панталони за во канцеларија или чипкана здолниште за во град, ние го одобруваме!
Puma Speedcat
Оваа есен, Puma Speedcat ќе биде обележана со животински принт. Патиките што комбинираат шик и спорт доаѓаат во зебра и кравјо принт. Сепак, инфлуенсерите остануваат лојални на нив во основните црвени, црни и сè попопуларните жолти бои. За есен, особено е ефикасно да се изберат модели изработени од мазна кожа или комбинација од кожа и текстил, бидејќи тие внесуваат визуелна длабочина и софистицираност.
Поврзани објави
New Balance 530
New Balance 530 е патика која совршено ги комбинира ретро естетиката и современиот дизајн, идеална за урбани комбинации во есен 2025 година. Моделот доаѓа во класични сиви и црни варијанти, но оваа сезона, освежените комбинации на бои со пастелни акценти или контрастни детали исто така доаѓаат до израз, додавајќи енергија и визуелен динамизам на секој стил. 530 е позната по својата исклучителна удобност и потпора, што ја прави совршена за секојдневно носење, без разлика дали шетате низ градот или создавате лежерни спортски комбинации.
Onitsuka Tiger Mexico 66
Овој ретро модел со препознатливи линии и удобно прилегање останува популарен. Достапен е во класични црни, бели и топли есенски комбинации, што го прави разновиден избор за различни стилови.
Фото: Instagram/ @tia_dewitt
