Жирито имаше поделени мислења за двајцата кандидати, а по драматично натпевање следуваше неочекуван пресврт
Во најновата епизода на „Ѕвездите на Гранд“, музичките сили ги одмерија Иван Толиќ од тимот на Цеца Ражнатовиќ и Тихомир Дукиќ Тихи, чиј ментор е Драган Којиќ Кеба. Двајцата кандидати имаа изедначени настапи, па жирито тешко донесе конечна одлука. Тихи освои три гласа, но тоа не беше доволно за директен пласман понатаму.
Ана Бекута истакна дека на Иван му недостига искуство, додека за Тихи низ шега рече дека му фалел само шешир за комплетен сценски перформанс. Дара Бубамара порача дека според неа и двајцата кандидати заслужиле директен пласман. Сличен став имаше и Сања Вучиќ, која смета дека искуството било пресудно во дуелот.
Поврзани објави
Најголемо внимание привлече коментарот на Александар Милиќ Мили, кој призна дека гласал спротивно од своите вообичаени критериуми. Тој откри дека Иван има поголем потенцијал, но намерно му дал предност на противникот за да го мотивира дополнително. Мили порача дека токму ваквите ситуации создаваат вистински ѕвезди.
По одлуката на продукцијата следуваше а капела натпевање, а атмосферата дополнително се вжешти кога Цеца реагираше поради изборот на песните. Таа сметаше дека кандидатот на Кеба добил подолг и полесен дел за изведба. На крајот, Тихомир Дукиќ Тихи победи со резултат 4:1 и обезбеди пласман во седмиот круг од натпреварувањето.
printskrin youtube -kurir mili 4
