Владата активно работи на подготвување на мерки за да им помогне на граѓаните поради зголемените трошоци за храна во продавниците.
Како што изјави денеска премиерот Христијан Мицкоски, тимови од Државниот пазарен инспекторат (ДПИ) и Комисијата за заштита на конкуренцијата континуирано работат на терен, а започнати се и некои процедури.
“Мерките се во тек, а тоа што не правиме естрада од политките што ги водиме не значи дека не се грижиме. Секојдневно ДПИ и Комисијата за заштита од конкуренција се на терен, дури има одредени постпаки што се почнати и покренати”, истакна Мицкоски, одговарајќи на прашања од новинарите по поставувањето на камен-темелникот на Домот за стари лица во Зрновци.
Тој исто така напомна дека пред стартот на школската година беше воведена таканаречена училишна кошничка, која ги намали цените на голем дел од производите кои ги употребуваат учениците.
