Превкусен рецепт за сите љубители на добра храна во режија на Катерина Шамбевска Спасеновска
Оваа крем-салата со јајца ќе ве освои со својата едноставност. Превкусен рецепт за сите љубители на добра храна во режија на Катерина Шамбевска Спасеновска, чии специјалитети можете да ги најдете на Инстаграм @katerina.shambevska или на Фејсбук – Katerina Sambevska Spasenovska.
Состојки:
- 4 варени јајца
- 4 лажички сечкан кромид
- 5 лажици мајонез
- сол и црн пипер
Дополнително:
- 4 лепчиња за тост
- маслиново масло по потреба
- прстофат мешан зачин по вкус
Поврзани објави
Приготвување:
1. Излупете ги јајцата и исечкајте ги со нож.
2. Кромидот излупете го, измијте го и ситно исечкајте го.
3. Во сад ставете ги јајцата и сечканото кромитче, додајте мајонез, зачинете со сол и црн пипер по вкус, промешајте и салатата е готова.
4. Потпечете ги лепчињата во тостер или во рерна и зачинете ги по желба. Потоа, врз нив послужете ја претходно приготвената крем-салата.
5. Декорирајте со малку варено сечкано јајце, зелен зачин и црн пипер. Можете да додадете листови спанаќ и неколку кругови ‘рдоква за вистинско уживање. На здравје!
ФОТО: КАТЕРИНА ШАМБЕВСКА СПАСЕНОВСКА
