Патриција Реџани во светот е позната како црната вдовица на Гучи, која го убила својот сопруг милијардер, а потоа продолжила да живее на висока нога
Патриција Реџани денес има 76 години и она што најмногу го цени во животот е хедонизмот. Се зборува дека никогаш не се буди пред 11 часот наутро, а обожава шопинг, што го докажуваат и бројните фотографии на кои „црната вдовица“ се шета по продавници, и тоа во инвалидска количка.
Откако го убила својот сопруг, Патриција Реџани го добила прекарот „црната вдовица на Гучи“ и била осудена на 29 години затвор. Предвремено била пуштена на слобода поради добро однесување во 2016 година и се вратила во Милано. Се зборува дека најпрво отишла на шопинг, бидејќи сакала да го започне новиот живот во нов фустан.
На Патриција никогаш не ѝ недостасувале пари. Таа добила 900.000 фунти за кирија од имотот на нејзиниот поранешен сопруг, а судот ѝ доделил уште 16 милиони фунти од акумулираната отштета од нејзиниот развод од Маурицио. Додека Патриција била во затвор, со овие пари управувале нејзините ќерки Алегра и Алесандра. Сега тие не зборуваат со мајка им.
Малку се знае за новиот живот на Патриција Реџани. Вдовицата на Гучи денес има 76 години и живее во сопствена куќа со папагал и куче. Но изгледа дека нејзиното здравје не е баш најдобро. Не толку одамна била видена како се движи во инвалидска количка, која ја туркала нејзината асистентка. И покрај сите овие проблеми, Патриција не се жали и не се откажува од хедонизмот.
Поврзани објави
Никогаш не се буди пред 11 часот, а вели дека омилената физичка активност ѝ е разгледувањето на новите колекции во бутиците. Има неколку собарки што работат во нејзината куќа, личен возач и неколку помошници. Тие прават сè што ќе им нареди Патриција и меѓу другото, одговорни се за нејзините редовни лекарски прегледи. Пролетта 2024 година, во италијанските медиуми се појавиле извештаи дека Патриција почнала да оди на физиотерапија, но не било прецизирано од што точно се лекува.
Патриција одвреме-навреме дава интервјуа, а најмногу од сè сака да зборува за својот покоен сопруг. Признава дека сè уште го сака Маурицио, го смета за главен маж во нејзиниот живот и сонува за барем уште еден разговор со него. Интересно е што Маурицио умрел, бидејќи токму таа го нарачала неговото убиство.
Се зборува дека Патриција дури и во затвор уживала во сета удобност на светот и во луксуз каков што многумина немаат ни на слобода.
ФОТО: Принтскрин Инстаграм @patriziareggianiguccifanpage
