Table of Contents
Домашниот сок од капини е здрав и вкусен, најлесен начин за регулирање на крвната слика на децата, па и возрасните. Рецептот за најдобар сок од капини може да се подготви без конзерванси, но во тој случај ставете дупло шеќер и сокот чувајте го во фрижидер.
Зошто капините се здрави?
Најпрво, капините се богати со железо во органска форма, поради што особено се препорачуваат за луѓе кои боледуваат од анемија, деца, трудници и доилки. Освен со железо, капината е богата и со други минерали – калиум, калциум, фосфор, магнезиум, како и витамини Б1, Б2 и Ц. Органските киселини галотанин и инозитол делуваат антимикробно, па ги уништуваат бактериите, особено ешерихија коли и салмонела ентеритис.
Друга важна работа: капините се богати со антиоксиданси, што значи дека тие се исто така доста важни за нашиот изглед, ја штитат нашата кожа од оштетување и не подмладуваат. Благодарение на антоцијанот и елагичната киселина, капините се ефикасни во сузбивање на воспалителните процеси и слободните радикали.
Поврзани објави
Како да направите домашен сок од капини?
3 кг капини
1 кг шеќер
2 лимони
1 конзерванс
Подготовка:
Измијте ги и исчистете ги капините од гранчиња, стебла и лисја.
Ставете ги во поголем сад во кој ќе го сварите и сокот. Додадете сок од лимон, исто така и конзерванс.
Капините прелијте ги со 2 литри вода и изгмечете ги што е можно подобро. Измешајте сè и оставете да отстои до утрото.
Додадете шеќер во сокот и добро измешајте, за да почне да се топи шеќерот. Уште еднаш испасирајте ги капините и додадете уште еден литар вода.
Гответе мешајќи, за да се распаднат капините. Потоа тргнете го од оган.
Вратете го сокот да се вари уште десетина минути и за тоа време загрејте ги шишињата во рерна на 100 степени.
Топлиот сок истурете го во шишиња, затворете и оставете на темно место да се излади.
Пред консумирање се разредува со вода по вкус.
