Публиката беше изненадена од новото лице на Абдула, а зад сцената стои сериозна здравствена драма
Актерот Сетар Танриоген, кој во популарната турска серија „Шербет од брусница“ го толкуваше ликот на Абдула Унал, познат како Апо, е заменет поради сериозни здравствени проблеми. Веста за неговото повлекување предизвика бројни реакции кај гледачите, кои забележаа промена во клучниот лик од серијата.
Танриоген доживеал крварење во мозокот, по што бил итно хоспитализиран и подложен на операција. Поради тежината на здравствената состојба и потребата од подолг период за опоравување, актерот не бил во можност да продолжи со снимањата, што ја принудило продукцијата да донесе брза одлука.
Со цел приказната да продолжи без прекин, улогата на Абдула му беше доверена на Ахмет Мумтаз Тајлан, еден од најискусните и најпрепознатливи актери на турската сцена. Тој официјално се појави во серијата од 53-тата епизода, преземајќи го ликот во клучен момент од развојот на дејството.
Иако дел од публиката тешко се навикнува на новото актерско лице, продуцентите истакнуваат дека промената била неопходна и направена со целосно почитување кон здравјето на претходниот актер. Во меѓувреме, фановите му испраќаат поддршка и желби за брзо закрепнување.
printskrin youtube – Kızılcık Şerbeti
