Ќерката на пејачот откри дека „Кафанска ноќ“ не е посветена на келнерка, туку на жена која се грижела за нив како за свои деца
Легендарниот пејач Шабан Шаулиќ ја посветил песната „Кафанска ноќ“, во народот попозната како „Донеси Като“, на својата комшивка која се грижела за неговите деца. Оваа емотивна приказна ја раскажа неговата ќерка Илда Шаулиќ, откривајќи детали кои ретко кој ги знаел.
Илда објасни дека не станува збор за келнерка, како што со години се претпоставувало, туку за жена по име Ката, која била дел од нивното семејство. Таа ги растела и чувала Илда, Сaнела и Михајло, а денес сè уште е жива и живее во Хрватска, поточно во Загреб. Со емотивни зборови, таа ѝ испрати и јавен поздрав.
Пејачот, според раскажувањето, живеел на седми кат, додека Ката била сместена два ката под него. По едно снимање, тој едноставно ја повикал со зборовите „Дојди, Като, горе кај нас“, во период кога во домот често се собирале пријатели и колеги. Токму таа атмосфера подоцна станала инспирација за стиховите на песната.
Одлуката да ѝ посвети песна дошла спонтано, како израз на благодарност и љубов. Илда истакна дека Ката имала огромна улога во нивното детство и дека за нив засекогаш ќе остане дел од семејството, што ја прави оваа песна уште поспецијална и подлабока по значење.
printskrin youtube – novosti -saban
