Европската комисија денес презентираше предлози за начинот на имплементација на неодамна постигнатиот трговски договор со САД. Овој договор ветува назадно намалување на давачките за возилата од ЕУ, во замена за олеснет пристап на САД до пазарот на Унијата.
Според изјавата од извршната власт на Европската унија, давачките за американски индустриски производи треба комплетно да се елиминираат, додека трговските пречки за “одреден асортиман на американски морски плодови и несензитивни земјоделски стоки” треба да бидат редуцирани.
Во исто време, Комисијата планира да го продолжи ослободувањето од давачки за американскиот јастог, пренесува ДПА.
ЕУ и САД постигнаа рамковен договор за разрешување на актуелните трговски несогласувања минатата недела, по значајниот договор постигнат претходниот месец во Шкотска помеѓу претседателката на Европската комисија, Урсула фон дер Лајен, и американскиот претседател, Доналд Трамп, со кој беше поставена основна тарифа од 15 проценти за стоки од ЕУ.
Во декларацијата од 21 август се наведува дека САД ќе ги намалат своите давачки за автомобилите ретроактивно од почетокот на месецот, под услов ЕУ да го започне законодавниот процес за олеснување на увозот на одредени американски производи. “Во наш заеднички интерес е двете страни да ги испочитуваат своите обврски и да обезбедат целосна имплементација на договорот”, изјави комесарот за трговија на ЕУ, Марош Шефчович, во соопштение.
Предлозите сепак треба да бидат одобрени од страна на Европскиот парламент и 27-те земји-членки на ЕУ, пред намалувањето на давачките за американски стоки да стапи на сила.
