ЕУ му достави на Киев оружје во вредност од осум милијарди евра

Шефот на европската дипломатија, Жозеп Борел, објави дека Европската унија ѝ доставила на Украина оружје во вредност од над осум милијарди евра.

„Ги замолив сите мои воени соработници најпрецизно да ја проценат вкупната воена поддршка на ЕУ за Украина… Можам да кажам дека оружје во вредност од најмалку 8 милијарди евра беше предадено од ЕУ и земјите-членки на билатерална основа, рече Борел на крајот од министерскиот состанок, коментирајќи ги критиките во медиумите за „премалите количини“ воена помош за Украина од ЕУ во споредба со САД.

Министрите за надворешни работи на Европската унија разговараа за продолжување на воената поддршка за Украина на состанокот во понеделникот во Брисел.