ЕУ ги продолжи санкциите против Русија за уште шест месеци

Советот на Европската унија соопшти дека ќе продолжи со санкции против 1.500 физички и 205 правни лица од Русија за уште шест месеци. Санкциите им се воведени затоа што се обвинуваат дека го поткопуваат територијалниот интегритет на Украина. Согласно со соопштението, санкциите за физичките лица се продолжуваат до 15 септември 2023 година и се автоматски продолжени без дискусија.

Европската унија воведе санкции во 2014 година и тие предвидуваат забрана за влез во Унијата за физички лица, замрзнување на имотот и забрана за ставање на располагање средства или други економски ресурси на наведените физички и правни лица.