Еквадор гласа на референдум за екстракција на нафта во Амазон

Граѓаните на Еквадор денеска гласаат на референдум за тоа дали нафтените компании можат да продолжат со дупчење за нафта во Националниот парк Јасуни.

Децениската борба за зачувување на националниот парк започна кога поранешниот претседател Рафаел Кореа и предложи на меѓународната заедница Еквадор да даде 3,6 милијарди долари за да ја остави Јасуна недопрена. Во мај, Уставниот суд на земјата одобри гласањето да се одржи заедно со претстојните избори – јавува Си-Ен-Ен.

Паркот зафаќа околу еден милион хектари на местото каде што се спојуваат Амазон, Андите и екваторот на Земјата. Се вели дека само еден хектар земја во Јасуни содржи повеќе животински видови од цела Европа и повеќе видови дрвја од цела Северна Америка.

Резултатот од референдумот најверојатно ќе биде од големо значење за иднината на економијата на Еквадор. Поддржувачите на продолжувањето на дупчењата веруваат дека загубата на приходите од нафтата би била катастрофална.

„Извлекуваме 55.000 барели дневно, тоа се 20 милиони барели годишно. Со 60 долари за барел, тоа е 1,2 милијарди долари (околу 1,1 милијарди евра) приход за државата“, додаде тој. „Запирањето на дупчењето може да предизвика огромна штета на земјата“, рече министерот за енергетика Фернандо Сантос во интервју за локалното радио.

Во Еквадор денеска се одржуваат и предвремени избори за нов претседател, а полицијата и војската се во состојба на готовност по невиденото насилство, вклучувајќи го и убиството на кандидатот Фернандо Вилависенсио претходно овој месец.