Српската пејачка Александра Пријовиќ и нејзиниот сопруг и соработник Филип Живојиновиќ пред да се венчаат купиле луксузна куќа на Бежанијска коса.
Нивниот дом е направен по најнова мода, а имотот се наоѓа во близина на куќата на Лепа Брена и Боба Живојиновиќ.
Меѓутоа, во последно време во јавноста сè погласни се шпекулациите дека Пријовиќ го купува имотот на својата свекрва Лепа Брена, а како што дознава српски „Курир“, станува збор за невистинити тврдења.
Поврзани објави
Инаку, како што пренесуваат медиумите, Александра Пријовиќ, која во моментот е бремена, и нејзиниот сопруг, композиторот Филип Живојиновиќ, решиле да го реновираат својот величенствен дом.
Тие со години живеат во вила во елитниот дел на српската престолнина, а причината поради која ќе променат многу работи во куќата е баш прекрасна.
– Александра сакаше да направи соба за бебето, како и да ја реновира постоечката соба на нивниот син Александар. Сакаат сè да биде направено пред таа да се породи, па се зафатени со работа на деталите. Мајсторите добар дел од денот се во нивниот дом, додека Филип следи дали сè е баш како што замислиле – изјавил извор на „Блиц“ близок до славниот пар.
Фото: Инстаграм Принтскрин https://www.instagram.com/aleksandraprijovic/
