Иако финалето на Вимблдон е зад нас, не престанува да се зборува и пишува за Кејт Мидлтон
Кејт Мидлтон ги засени сите кога се појави на финалето на Вимблдон, каде што имаше важна улога – да му го врачи трофејот на победникот. Имено, тоа беше нејзиното второ појавување во јавност, откако откри дека води битка со карцином, а пред тоа заблеска на роденденот на кралот Чарлс. Многумина коментираат дека не се забележува дека идната кралица поминува низ многу тежок период.
Имено, според експертите за говор на тело, Кејт не покажала никакви знаци на стрес во саботата. Таа блескала во виолетов фустан со традиционална карирана клупска панделка. Додека се доближувала до местата каде што седела со Шарлот, таа била насмеана, а восхитената публика ја поздравувала со овации речиси половина минута.
„Тоа е вистинска насмевка. Таа се смее со очите, а не само со усните. Ова е одличен момент за неа“, рекол експертот за говор на телото Трејси Браун.
Поврзани објави
Зошто дошла токму во друштво на ќерка ѝ?
Како што наведуваат странските медиуми, Кејт ѝ исполнила голема желба на ќерка ѝ, па одлуката да ја поведе токму неа била испланирана.
„Одамна беше ветено дека Кејт ќе ја поведе Шарлот како специјална награда за неа. Кејт се чувствуваше виновно што не можеше да поминува онолку време со децата колку што би сакала, бидејќи беше исцрпена од терапиите што мораше да ги прима. А Шарлот се појави и за да го оттргне вниманието од Кејт. Кејт беше одлучна да се појави на финалето на Вимблдон“, рекла Ингрид Стјуард, авторка и коментаторка на британското кралско семејство.
