Овие зборови тој ги посвети на жената што ја смета за своја втора мајка.
Утре Новак Ѓоковиќ го слави својот 38 роденден. Се смета за најдобриот тенисер во историјата, а неговиот талент уште додека бил дете го забележала легендарната Јелена Генчиќ – тенисерка, тренер, ракометарка и режисерка. Славниот спортист истакнува дека токму таа му била како втора мајка, потенцирајќи ја нејзината извонредна улога во неговиот живот.
Им реков дека по Моника Селеш, не сум видела играч како нивниот син и дека верувам дека со 17 години ќе биде меѓу најдобрите петмина во светот. Беа изненадени од моите зборови, а сега кога размислувам – веројатно мислеа дека не сум при здрава свест. Додека беше мал, заедно сонувавме како го крева пехарот на Вимблдон – бидејќи тоа е Мека на тенисот. Затоа и мојата најголема желба беше да го видам со тој пехар“, говореше Јелена Генчиќ за Новак Ѓоковиќ, кому уште во најрана возраст му го препознала исклучителниот талент.
Освен моите родители, таа има најголеми заслуги за сè што ми се случува“, вели Новак.
Сето тоа што Јелена Генчиќ го предвидела – се оствари. Во 2011 година, Ѓоковиќ првпат триумфираше на Вимблдон, а до денес има освоено дури седум титули на лондонските терени. Кога победи таму во 2022 година, вака зборуваше за својата тениска мајка:
Најпрво би ја прегрнал ако беше покрај мене на Централниот терен. Толку ми е жал што повеќе не е со нас, но истовремено ми е драго што по освојувањето на таа историска титула во 2011 година, имав можност тоа да го споделам со неа. Да ја прегрнам и да бидеме во нејзиниот дом на Дедиње, каде што поминувавме многу време – сонувајќи заедно.
Таа ме научи на многу нешта во животот, а да не зборувам за тенисот. Професионализмот и посветеноста што денес ме красат – доаѓаат токму од неа. Таа беше толку темелна во своите анализи и подготовки.
Ме научи на толку многу нешта во животот, а да не зборувам за тенисот – професионализмот и посветеноста што ме одликуваат денес доаѓаат од неа. Таа беше исклучително детална во анализите и подготовките. Со 8–9 години престојував во нејзиниот дом, заедно гледавме видеа од големите шампиони. Ми ја објаснуваше играта, тактиката, зошто правам одредени вежби, како треба да живеам.
Поврзани објави
Сè знаеше – какви оценки имам, што јадам, кога легнувам и кога станувам, дека треба сам да си ја спакувам торбата, и дека секогаш треба да се однесувам спортски, фер и со почит кон другите.
Јелена имаше голема доверба и поддршка од моите родители, и заедно со нив на исклучително значаен начин влијаеше врз мене. Без двоумење – таа е мојата тениска мајка и најважниот тениски ментор, жената што ми даде можност да бидам тука каде што сум.
Знам дека е со мене во мислите.
Освен моите родители, таа има најголеми заслуги за сè што ми се случува“, изјави Новак Ѓоковиќ.
На комеморацијата посветена на Јелена Генчиќ, Дијана Ѓоковиќ, мајката на Новак, го прочита неговото писмо:
Драга моја Јелена, неизмерно сум тажен што денес се простувам од тебе. Во животот ме подготвуваше за многу ситуации, за победи, за триумфи, за нашите трофеи, но за нашето раздвојување сум сосема неподготвен. Се простувам од тебе со голема тага што не можам да те испратам како што заслужуваш. Знам дека би се лутила ако се откажам и ја намалам шансата да ја исполнам и нашата последна желба – да го освојам Ролан Гарос.
Благодарам ти за трпението, за огромната љубов. Благодарам ти за секојдневната поддршка, за советите што ги памтам, за топлите зборови што секогаш носеа посебна порака. Знаеш дека ги памтам сите и дека секогаш се придржувам до твоите правила. Нашиот последен разговор, пред две недели, не покажуваше дека нешто не е во ред.
Тажен сум затоа што и тогаш се трудеа да ме ослободиш од грижи и ме уверуваше дека сè е во ред, дека си во болница поради рутинска контрола, да не се грижам, туку да победувам.
Беше добар ангел. И кога ме тренираше и потоа – каде и да бев, ја чувствував твојата искрена, силна и безрезервна поддршка. Остави незаборавна трага во нашиот тенис. Ние, сите што денес држиме рекет во раката, ти должиме многу.
Ветувам дека ќе се потрудам твоето име да го пренесам на идните генерации и дека твојот дух засекогаш ќе биде присутен на тениските терени.“
Фото: Printscreen Youtube
