Table of Contents
Одредени делови на лицето, во зависност од својот изглед и положба, можат да додаваат или одземаат години.
Веѓите ја изразуваат нашата емоција – љубов, страв, грижа, лутина и сѐ друго најчесто се гледа токму преку нив. Поради тоа, тие се многу важен дел од лицето. Но, доколку не се грижиме за нив соодветно, можат да нè направат да изгледаме постаро отколку што навистина сме.
Седите веѓи – таен „додавач“ на години
Доколку вашите веѓи се проседи или целосно седи – тие визуелно ви додаваат години. Косата обично се бојадисува, но влакненцата на веѓите често се занемаруваат – и тоа се гледа. Еве ги идеалните решенија:
Бојадисување
Наједноставно е – следниот пат кога ќе одите на бојадисување на коса, побарајте од фризерот да ви ги бојадиса и веѓите. Важно е да бидат во идентична нијанса со косата, бидејќи така изгледате уредно, природно и младолико.
Серум за раст
Поврзани објави
Појавата на седи влакна е знак дека влакната губат пигмент – што е сосема нормално со возраста. Но, можете да користите серум за раст на веѓи кој помага да станат погусти и повпечатливи со тек на време.
Што е со моливчето за веѓи?
Жените често претеруваат со шминкање – па така и со обликување на веѓите. Употребата на моливче не се препорачува, бидејќи, без разлика колку сте вешти, вештачкиот изглед секогаш се забележува. Наместо тоа, посветете се на природно обликување и нега.
Совети за самодоверба
Најубави се луѓето што знаат да ги носат своите години со достоинство. Не постои изглед кој е резервиран само за една генерација. Немојте да бидете робови на трендовите – наместо тоа, носете самодоверба.
Ако ви се допаѓаат вашите веѓи такви какви што се, или едноставно не сакате да ги бојадисувате – тоа е сосема во ред. Вашиот изглед е ваш избор. И запомнете: секоја седа веѓа е заслуга на животното искуство.
Текст: Убавина и здравје
