Table of Contents
Кога ќе сфатите каков тип на градба имате и ги приспособите тренингот и исхраната според тоа, вашиот метаболизам ќе почне да работи за вас, а не против вас
Дали речениците како „Имам бавен метаболизам и затоа не можам да ослабам“ или „Таа има брз метаболизам, па може да јаде што сака“ се тотална глупост или има некоја вистина во нив?
Добрата вест е што тие не се комплетни митови, но не се ни целосно точни!
Вистинската тајна се крие во вашата уникатна градба на телото – бидејќи таа одредува како ја користите енергијата, како складирате масти и реагирате на храната и тренингот. Со други зборови, не е сѐ до метаболизмот, туку и до тоа како го негувате телото што го имате.
Постојат три типа градби на тело…
Ектоморф – природно вита и секогаш во движење
Ако сте меѓу жените што сите ги прашуваат „јадеш ли ти воопшто?“, веројатно сте ектоморф.
Изглед: Долги раце и нозе, тесни раменици, вита става.
Метаболизам: Брз и ефикасен – согорувате калории како да имате внатрешна печка вклучена на максимум.
Вашиот предизвик: Тешко градите мускули и маса.
Совет: Фокусирајте се на квалитетни протеини и здрави јаглехидрати, а тренингот за сила нека биде вашиот сојузник за обликување на телото.
Поврзани објави
Мезоморф – родени за атлетика
Ова е типот на градба што сите го посакуваат – природно спортски изглед.
Изглед: Изразени раменици, тенок струк и цврста мускулна градба.
Метаболизам: Урамнотежен – лесно градите мускули, но и масно ткиво ако се опуштите.
Совет: Комбинирајте кардиовежби и тренинзи за сила. Редовната физичка активност и балансираната исхрана се клучни за да останете во форма.
Ендоморф – облини што бараат стратегија
Ако чувствувате дека секое залаче се лепи за вас, веројатно сте ендоморф.
Изглед: Поширока, заоблена фигура, лесно качувате килограми.
Метаболизам: Бавен, телото складира повеќе масти.
Совет: Вашиот сојузник е комбинацијата на интервален кардиотренинг и тренинг за сила. Фокусирајте се на квалитетна храна и следете колку калории внесувате – резултатите нема да изостанат.
ФОТО: Freepik
