Колку постресен живот толку повидливи знаци на стареење. Како да ги спречите брчките предизвикани од стрес?
Стресот влијае на нашиот изглед на многу начини. Можеме да старееме побрзо, да предизвика акни и да предизвика губење на косата. И да, вистина е: ако не го држите стресот под контрола, можеби ќе почнете да го гледате и на вашето лице. Директно и индиректно, стресниот живот може да доведе до појава на брчки.
„Стресот придонесува за создавање на брчки на кожата преку различни патишта“, објаснува дерматологот Ени Чиу. „Она што се случува најчесто е дека стресот ги зголемува основните нивоа на кортизол во телото, што предизвикува разградување на колагенот и еластичното ткиво, што доведува до разредување на кожата и брчки.“
Сепак, стресот предизвикува и брчки на помалку директни начини. Нè турка кон однесувања и навики кои не се добри за кожата. Да речеме: алкохол, цигари, електронски цигари, лоша исхрана полна со масти и шеќер…
Како стресот влијае на кожата?
Сега кога ја разбравме врската помеѓу стресот и брчките, дали има други кожни состојби за кои придонесува стресот? Накратко, да.
„Стресот и зголеменото ниво на кортизол ги влошуваат веќе постоечките воспалителни состојби на кожата како што се егзема, псоријаза и акни. Се покажа дека стресот ја зголемува загубата на влага преку кожата, што доведува до дехидрација. А дехидрираната кожа изгледа уморно“, вели Чиу.
Стресот исто така го зголемува оксидативниот стрес кој ја инхибира природната способност на нашата кожа да се поправа и регенерира.
Поврзани објави
Како да ги спречите брчките предизвикани од стрес?
Клучот е да се промени целиот начин на живот. Управувањето со стресот е од суштинско значење за здравјето на кожата, убавината и целокупното здравје. Заедно со управувањето со стресот, неопходно е да се внимава на исхраната, вежбањето и севкупниот начин на живот (ограничување на алкохол, пушење и незаштитено изложување на сонце во подолг временски период)… Спиење 8-10 часа навечер и пиењето доволно вода не е помалку важно.
Како да се третираат брчките предизвикани од стрес?
Иако начинот на живот и превентивните третмани можат да ни помогнат да бидеме проактивни, постојат и други активности што можеме да ги преземеме за лекување и намалување на брчките предизвикани од стрес.
„Состојките за нега на кожата против стареење како ретинол, заштитен фактор и витамин Ц можат да го подобрат зачувувањето на колагенот и еластичното ткиво во кожата“, вели Чиу.
Класичните третмани против стареење против микронидилинг, ласерски и хемиски пилинг се подеднакво успешни. Сепак, за какви третмани и да се одлучите, не сакате да ги правите непромислено, па морате паралелно да внимавате на вашиот начин на живот.
Фото: Pexels.com
