Манекенката Изабел Гулар привлече огромно внимание во Кан со елегантен фустан што се издвои по интригантните оптички ефекти и впечатливиот дизајн.
Раскошниот фустан од тантела, збогатен со проѕирни детали, се издвои како едно од највпечатливите модни изданија од премиерата на Кански филмски фестивал. Елегантниот крој со ролка-деколте добива контраст со целосно отворениот грб, додека црните пердуви во долниот дел од тоалетата му даваат дополнителна доза гламур и драматичност на целиот изглед.
Изабел Гулар, која многумина ја вбројуваат меѓу најатрактивните жени на светската јавна сцена, во Кан се појави со романтична фризура и шминка во нежни земјени тонови, што на целиот стајлинг му даде софистициран и природен впечаток.
Дизајнот на таканаречениот „гол“ фустан остава впечаток на целосна проѕирност, па често се поставува прашањето дали воопшто може да се носи со долна облека. Токму за да се избегнат видливи линии и прерамки, со ваквите креации најчесто се користи специјално боди или дискретна постава што овозможува беспрекорен и ненаметлив изглед.
Поврзани објави
Кај кроевите што ги истакнуваат колковите и откриваат гол грб, често се применуваат и дискретни решенија како самолепливи силиконски лепенки или C-string долна облека, која нема странични ленти и останува речиси незабележлива под облеката.
Ваквите детали имаат цел да не ја нарушат самата креација, но и да ја задржат дискрецијата и мерката, без претерано откривање. Токму во таа рамнотежа меѓу провокативното и елегантното, Изабел Гулар и овојпат остави силен впечаток, додека нејзиниот стајлинг дополнително привлекува внимание и поради врската со голманот Кевин Трап, познат по необичните правила во нивната врска.
Фото: Инстаграм
