„Предавството од зетот ме разори, но прошката ме ослободи“
Популарната пејачка Милица Тодоровиќ отворено зборуваше за тешките моменти во својот живот, особено за болното предавство кое го доживеала од зетот, кој воедно бил и нејзин менаџер. Гостувајќи во емисијата „На терапија со Славица Ѓукиќ Дејановиќ“, Милица искрено го сподели своето искуство, велејќи дека овој период бил еден од најболните во нејзиниот живот.
Сопругот на мојата постара сестра беше мој менаџер четири години, а потоа се случи голема предавство. Јас не поднесувам неправда, без разлика на околностите. Не сакам да влегувам во детали, сето тоа беше јавно објавено, но најболно беше што сестра ми не можеше да застане на моја страна. Таа остана со својот сопруг поради децата, како што тогаш велеше, а јас останав без неа и без моите внуци цели пет години. Тоа беше неизмерно тешко за мене“ – изјави пејачката.
По неколку години, Милица собра сила да им прости и на сестра си и на зетот.
Минатата година седнав со зет ми и му кажав сè што држев во себе тие пет години. Му ги кажав сите грди чувства што ги носев. Тој ми се извини, искрено се покаја, и јас решив да му простам. Простив поради моите внуци и сестра ми. Простив и нему, бидејќи верувам дека секој од нас има своја мисија на овој свет. Неговата можеби беше да научи од своите грешки“ – искрено сподели Милица.
Поврзани објави
Иако успеала да се ослободи од тежината на гневот, нејзините пријатели тешко ја разбираат нејзината одлука да прости.
Со години ме убиваше тој товар. Не можев да простам, а тоа ме уништуваше. Тогаш разговарав со психијатар, кој ми препиша антидепресиви и ме советуваше да одам кај сестра ми. Со текот на времето научив дека простувањето е најголемата лекција што можев да ја научам“ – рече Милица низ солзи.
Милица Тодоровиќ покажа дека и покрај најтешките моменти, човек може да најде сила да прости, да продолжи понатаму и да ја врати рамнотежата во својот живот.
Фото: printskrin Youtube/ UNA televizija
ПОВЕЌЕ ДЕТАЛИ ПОГЛЕДНЕТЕ ОВДЕ:
