Table of Contents
Кога ќе ја преминеме 60. година, телото почнува да се менува – мускулите губат маса, коските стануваат покршливи, метаболизмот се забавува, а имунитетот веќе не е толку силен како претходно
Исхраната во периодот по 60. година е клучна за зачувување на здравјето, виталноста и добриот квалитет на живот. Постојат одредени намирници што луѓето постари од 60 години би требало да ги консумираат секој ден, или барем што почесто, бидејќи се богати со хранливи материи кои му помагаат на телото да остане силно, а умот бистар. Еве за кои намирници станува збор и зошто се значајни…
Масна риба (лосос, сардини, скуша)
Богата е со омега-3 масни киселини, кои се клучни за здравјето на срцето и мозокот. Омега-3 дејствува противвоспалително, помага во зачувувањето на мозочните функции, а може и да го намали ризикот од депресија, деменција и срцеви болести. Се препорачува постарите лица да јадат масна риба барем двапати неделно.
Јогурт и ферментирани млечни производи
Јогуртот, кефирот и сличните производи се полни со калциум и пробиотици. Калциумот е неопходен за силни коски, додека пробиотиците го чуваат здравјето на цревната флора, што е важно за имунитетот и добрата дигестија. Старите луѓе честопати внесуваат помалку калциум одошто им треба, а тоа го зголемува ризикот од остеопороза.
Овесни снегулки и интегрални житарки
Тие се извори на влакна, кои го снижуваат нивото на лош холестерол, го подобруваат варењето и помагаат за регулација на шеќерот во крвта. Влакната се особено важни на постара возраст, бидејќи дигестијата природно се забавува, па се појавува констипација како чест проблем. Овесната каша за појадок може да биде одличен почеток на денот.
Зелен листест зеленчук (спанаќ, блитва, кељ)
Поврзани објави
Полн е со витамини К, А и Ц, фолати, калиум и антиоксиданси. Витаминот К е особено важен за здравјето на коските и срцето. Исто така, антиоксидансите од зелениот зеленчук помагаат во борбата против слободните радикали и го намалуваат ризикот од хронични болести, меѓу кои и рак и болести на окото, како макуларна дегенерација.
Јајца
Тие се вистинска протеинска бомба и одличен извор на витамини Д, Б12 и колин – хранливи материи кои помагаат во одржувањето на мускулната маса, функцијата на нервниот систем и здравјето на мозокот. Лесно се варат, брзо се приготвуваат и можат да бидат дел од секој оброк.
Јаткасти плодови и семиња
Бадемите, оревите, лешниците, ленот, чиа-семето и сусамот се богати со здрави масти, магнезиум, цинк и растителни протеини. Одлични се за здравјето на срцето и мозокот, а благодарение на силните антиоксидативни својства можат да помогнат во забавувањето на процесот на стареење. Многу се калорични, па доволно е еден грст дневно.
Зрнесто овошје (боровинки, јагоди, малини)
Преполно е со витамин Ц и антиоксиданси, особено флавоноиди, кои имаат моќно дејство за зачувување на мозочната функција. Истражувањата покажуваат дека редовната консумација на боровинки може да ја подобри меморијата кај постарите лица. Освен тоа, зрнестото овошје има низок гликемиски индекс и не го покачува шеќерот нагло.
Напомена:
Покрај наведените намирници, важно е да внесувате доволно течности, да ја ограничите консумацијата на преработена храна и сол, како и да бидете физички активни во согласност со сопствените можности. Исхраната во 60-тите не мора да биде строга, напротив, со малку внимание може да биде вкусна и разновидна.
