Денес, германскиот канцелар Фридрих Мерц и францускиот претседател Емануел Макрон ќе ко-претседаваат со заеднички владин совет во Тулон, фокусиран на економските и безбедносните стратегии.
Оваа средба претставува прва од ваков тип по смената на власта во Берлин оваа година. Претходната вечер, двајцата државници имаа неформална средба во летната вила на Макрон, Форт де Брегансон.
Макрон изјави дека по годините на напнати релации со екс-канцеларот Олаф Шолц, партнерството со Мерц претставува рестарт. “Верувам дека француско-германскиот тандем сега е совршено усогласен за изградба на посилна Европа во економијата, трговијата и монетарната политика”, потенцираше Макрон.
Мерц, од своја страна, истакна дека “Германија и Франција играат централна улога во Европската Унија и на континентот”.
Собирот се случува во период на политичка нестабилност во Франција, каде премиерот Франсоа Бајру на 8 септември ќе бара поддршка во парламентот, со опасност од пад на владата.
Подоцна во текот на денот ќе биде организиран и француско-германски Совет за одбрана и безбедност, на кој ќе се дискутира за европското производство на вооружување и заеднички одбранбени иницијативи.
фото: ЕПА
