Претседателот на Србија, Александар Вучиќ, денес соопшти дека со новиот закон наречен „Конечно поседувај го своето“, надоместокот за легализација за 80 проценти од објектите во Србија ќе изнесува 100 евра.
Според него, за најскапиот стан во Белград (Теразије) со површина од 200 квадратни метри, таа давачка ќе чини 1.000 евра.
„Со едноставна апликација, без комплицирани процедури во дигитална форма, ги регистрираме сите објекти и одлучуваме за сопственоста“, изјави Вучиќ во својот говор во Палатата на Србија.
Тој исто така нагласи дека во Србија има 4,8 милиони објекти кои се користат без регистрирани права и одобренија за користење.
„Овие луѓе не можат да ги хипотекираат овие згради, да користат кредити, не можат да располагаат со овие имоти, а во исто време не плаќаат данок на имот, каде што државата губи“, потенцираше тој.
„Ќе ги имате овие информации насекаде, испратете едно едноставно парче хартија и ќе имате свој легален објект во рок од 60 дена“, рече Вучиќ. „Нови Сад, Ниш, Крагуевац. . . градови кои, заедно со околината, имаат над 100,000 жители според пописот, за тие места ќе биде од 100 до 500 евра, но во градовите, во селата, максимум 100 евра, во приградските населби, максимум 200 евра, само во центарот се одредува по зона малку повеќе“, додаде Вучиќ во врска со цените за легализација.
Покрај тоа, Вучиќ денес објави дека од 1 декември пензиите ќе бидат покачени за 12,2 проценти, со што просекот ќе се зголеми на 485 евра. Тој објасни дека државата пресметала колкав е уделот на пензиите во бруто домашниот производ и колку е можно зголемувањето.
Тој исто така додаде дека инфлацијата, според проекциите, ќе биде околу 3,5 проценти следната година, а четири проценти оваа година, проценувајќи дека пензионерите, со зголемувањето на пензиите, ќе имаат реално зголемување на животниот стандард, и покрај инфлацијата.
Вучиќ исто така потсети дека вонредното зголемување на минималната плата од 1 октомври ќе биде 9,4 проценти, а од 1 јануари во износ од 10,1 процент.
„Со зголемување на минималната плата од 13,7 проценти, од 1 јануари годинава, тоа е кумулативно зголемување од 37 проценти во споредба со декември 2024 година“, заклучи претседателот на Србија. Тој додаде дека минималната плата од 1 јануари ќе изнесува 551 евро, а покриеноста на минималната потрошувачка кошничка со минималната плата ќе биде 111,5 проценти. зш/фото МИА.
Извор: МИА
