85
Во Скопје денеска се уапсени две лица поради недозволена трговија со дрога. Се работи за А.О. (23) од село Грчец, скопско и В.К. од Гевгелија. При претрес во нивниот дом во Скопје, полициските службеници од Одделот за криминалистичка полиција – Сектор за недозволена трговија со дрога и опасни материи во координација со полициски службеници од Единицата за недозволена трговија и Единицата за интервентна полиција при скопското СВР пронајдоа околу 150 грама кокаин и дигитална вага. Задржани се во полициска станица и по целосно документирање на случајот, ќе биде поднесена соодветна пријава по брза постапка.
