Министерството за образование на Албанија донесе ново упатство, како продолжение на мерките што беа воведени и во претходните години, со кое се забранува употребата на мобилни телефони во училиштата.
Според упатството, учениците се обврзани да ги предаваат телефоните на почетокот на наставата. Доколку некој ученик биде затекнат со телефон спротивно на правилата, уредот ќе биде предаден во училишната управа.
Телефоните ќе смеат да ги носат само учениците кои имаат дозвола од родителите. Сепак, и во овие случаи, уредите мора да бидат исклучени, без можност за остварување повици или испраќање пораки за време на наставата.
Министерството јасно прецизира дека мобилните телефони и другите електронски уреди не се дозволени ниту за време на тестирањата и испитите.
Секој ученик кој ќе биде затекнат со електронски уред за време на испитот ќе биде третиран како случај на сомнеж за препишување и може да се соочи со дисциплински мерки, вклучително и поништување на испитот.
Со ова упатство, Министерството за образование има за цел да ја ограничи употребата на мобилните телефони за време на наставата и да обезбеди поголема концентрација на учениците врз образовниот процес.
Post Views: 50
Извор : vesnik-ilinden.com
Албанија: Министерството за образование ја забранува употребата на мобилни телефони во училиштата
