Мартина Трајковска (@martinas_healthy_kitchen) ни приготви фантастична овесна каша, која е идеална за летниот период
Овесната каша е најздравиот појадок на светот, се согласуваат нутриционистите. Преполна е со протеини и диететски влакна – две важни работи кои му се потребни на нашето тело, а освен тоа го намалува холестеролот, го регулира шеќерот и одлична е за слабеење.
Сепак, ако ви досадија вообичаените начини на приготвување овесна каша, испробајте ја оваа по рецепт на Мартина Трајковска (@martinas_healthy_kitchen)! Станува збор за печена овесна каша со вкус на чизкејк, која не само што ќе ве засити туку и ќе ве снабди со сите хранливи состојки што му се потребни на телото за да се справи со сите предизвици во денот.
Состојки:
- 40 г овес
- 30 г протеин од ванила
- 80 г котиџ-сирење
- 100 г грчки јогурт со 0% масти
- 5 г прашок за печиво
- 10 г јаворов сируп без шеќери
- ½ мала лажица екстракт од ванила
- 100 г бадемово млеко
- 100 г кето-џем од вишни без шеќер
- 2 бискоф бисквити (карамела бисвити)
Поврзани објави
Приготвување:
Пуштете ја рерната да се загрее на 200 степени. Ставете ги сите состојки за кашата во блендер и изматете. Истурете ја смесата во сад за печење. Ставете да се пече 20 минути (проверете со чепкалка за заби, ако е многу течна, печете уште 5 минути).
Извадете ја чинијата надвор, а одозгора ставете џем од вишни. На страна истолчете ги бисквитите и ставете ги врз џемот.
Овој оброк има: 562 калории, 71,1 г јаглехидрати, 13 г масти, 47,9 г протеини и 23,2 г шеќери
Погледнете го видеото во продолжение за подетални упатства:
