Колку внимателно ги читате прашањата? Една навидум невозможна задача во училница во Индија ги збунила учениците, но едно девојче покажало дека понекогаш најдоброто решение е многу поедноставно отколку што изгледа.
Наставникот Равираџ Мастер им дал предизвик на своите ученици: требало да нацртаат квадрат со само три линии. На прв поглед, задачата изгледа невозможна – квадратот има четири страни, па како да се нацрта со три линии?
Учениците се обидувале да најдат начин да го заобиколат ова ограничување. Некои цртале три страни и се прашувале како да ја надоместат четвртата, а еден од нив се обидел да ја прикаже со испрекината линија.
Но решението на едно девојче ги изненадило сите.
Не се обидувала да го нацрта квадратот од три линии
Наместо да ја бара четвртата страна што недостигала, девојчето најпрво го нацртало квадратот, а потоа во неговата внатрешност додало три линии.
Токму тука била финтата! Наставникот побарал квадрат со три линии, но не рекол дека тие мора да бидат неговите страни. Девојчето ја сфатило разликата и ја решила задачата на начин на кој другите ученици воопшто не помислиле.
Поврзани објави
Зошто толку лесно се фаќаме на вакви загатки?
Овој тип мозгалки не го проверува само нашето математичко знаење, туку и способноста да размислуваме надвор од вообичаените рамки.
Во психологијата, еден од поимите поврзани со ваквите ситуации е функционална фиксираност – склоноста предметите, зборовите или проблемите да ги гледаме на вообичаениот начин, наместо да ги разгледаме нивните алтернативни можности.
Кога ќе добиеме задача, често сами си поставуваме дополнителни правила што никој не ги спомнал. Потоа толку многу се концентрираме на нив што не го забележуваме наједноставното решение.
Затоа оваа задача има и една интересна порака: пред да заклучиме дека нешто е невозможно, вреди уште еднаш внимателно да го прочитаме прашањето. Понекогаш не ни недостига знаење, туку само поинаков агол на гледање.
А вие, дали ќе се сетевте на решението на девојчето?
Видео: Youtube
