По десет години, пејачката одлучи да се повлече од шоуто и испрати јавно соопштение до фановите.
По заминувањето на Марија Шерифовиќ и Драган Стојковиќ – Босанац, жирито на „Ѕвездите на Гранд“ го напушта и Вики Миљковиќ. Пејачката по цела деценија се прости од својата улога во музичкото натпреварување преку отворено и емотивно соопштение.
Вики Миљковиќ напиша дека нејзината одлука не била лесна, бидејќи со шоуто ја врзуваат силни емоции, бројни пријателства и илјадници талентирани млади луѓе со кои имала чест да работи. Таа истакна дека искуството во шоуто било привилегија и дека е горда што била дел од промена на музичката сцена.
Поврзани објави
Во својата порака, Вики изрази длабока благодарност до целиот тим на продукцијата, жирито и посебно до нејзиниот долгогодишен пријател Саша Поповиќ, кој ја повикал да се приклучи на проектот и кој, како што вели, ќе ѝ недостасува засекогаш.
На крајот, таа се заблагодари и на гледачите за нивната поддршка и љубов низ годините, нагласувајќи дека таа љубов ѝ била мотив секогаш да остане искрена и доследна на себе.
Фото: printskrin Youtube Zvezde Granda
