Во периодот од 15-20. 08. 2024 во Грција се одржа 65-то издание на KNOWLEDGE International Journal. Основна цел на изданието е да се прикажат и пренесат искуствата, трајните вредности и употребливото знаење кое произлегува од најновите научни истражувања. Фокусот на часописот е пренесување и споделување на знаењето и најновите научни истражувања во сите појавни облици и ги опфаќа сите области по Фраскатиевата класификација.
Македонија беше претставена со истражувањето DIFFERENCES IN THE ANTHROPOLOGICAL SPACE OF TRADITIONAL AND INNOVATIVE (TANDEM) CLASSES IN PHYSICAL EDUCATION или РАЗЛИКИ ВО АНТРОПОЛОШКИОТ ПРОСТОР ОД ТРАДИЦИОНАЛНИТЕ И ИНОВАТИВНИТЕ (ТАНДЕМ) ЧАСОВИ ПО ФИЗИЧКО И ЗДРАВСТВЕНО ОБРАЗОВАНИЕ. Истражувањето е дело на М-р Далибор Трајчев, Проф.д-р Александар Поповски и Проф д-р Тања Китановска.
Истражувањето е вршено во основни училишта во Кратово и Пробиштип. На примерок од 137 испитаници, од двата пола од 4-то и 5-то одделение од ООУ „Кочо Рацин“ – Кратово и ОOУ „Браќа Миладиновци“ – Пробиштип извршено е истражување, во кое се применети 12 антропометриски варијабли за проценка на морфолошките карактеристики и 10 теста за проценка на некои физички способности.
Сите резултати на учениците со кои работат наставниците по ФЗО, се подобри (со статистичка значајност) за разлика од оние кои имаат традиционална настава по ФЗО, односно кога часот по физичко и здравствено образование до држат учителите и учителките.
