Белгија ја искажува својата поддршка за намената да се зголемат трошоците за одбрана на 5 проценти од бруто домашниот производ (БДП), но бара прилагодливи временски рамки за нејзино остварување, како што соопшти белгискиот министер за одбрана, Тео Франкен, според информациите од домашните медиуми.
Според Франкен, на државата ќе ѝ бидат потребни најмалку седум години за да се усогласи со новата цел. Дополнително, тој предложи во пресметките да се земе предвид и воената помош која Белгија ѝ ја обезбедува на Украина.
“Речиси ниту една земја не ја оспорува оваа цел”, додаде министерот.
Генералниот секретар на НАТО, Марк Руте, претходно објави дека предложува нова цел за членките на Алијансата – пет проценти од БДП за одбрана, без да прецизира крајни рокови. Од тоа, 3,5 проценти би биле наменети за набавка на воена опрема, а преостанатите 1,5 проценти за воена инфраструктура и продукција.
Овој предлог ќе биде предмет на дискусија на НАТО самитот во Хаг кон крајот на јуни.
“Потребата за зголемување на одбранбените трошоци се темели на потребата да се надминат слабостите во воените капацитети на Алијансата во услови на зголемена закана од Русија”, потенцираше Руте.
Инаку, уште во 2014 година, НАТО постави стремеж земјите-членки да вложуваат најмалку 2 отсто од БДП за одбрана – цел која, според Руте, речиси сите сојузници ќе ја достигнат до крајот на тековната година.
ссм/фото: архива
Извор: МИА
