Нина Бадриќ повторно привлече внимание на социјалните мрежи, овојпат со фотографија покрај базен и духовита порака за „бапското лето“.
Во разговорниот јазик, „бапско лето“ се користи за периодот на топло и сончево време што се појавува по завршувањето на календарското лето, односно на почетокот на есента. Но, судејќи според нејзината реакција, на Нина не ѝ се допаѓа особено првиот дел од овој израз.
На фотографијата пејачката позира насмеана покрај базенот, облечена во предимензионирана сино-бела кошула со пруги, а покрај летната фотографија напиша:
„Бапско лето? Те молам, јас сум само лето. Нека оди ова „бапско“ кај кој се препознава“, се пошегува Нина.
Нејзината духовита објава веднаш наиде на симпатии кај следбениците, кои ѝ упатија бројни комплименти за изгледот и енергијата.
„Толку веселост, радост и позитивност… и убава насмевка“, „Премлада за баба“, „Најубавата хрватска пејачка“ и „Убава жена, уште поубава во живо“, се дел од коментарите под фотографијата.
Нина очигледно максимално ужива во летните денови, а неодамна откри и дека следната година не планира да одржува концерти во текот на летните месеци. Наместо настапи, пејачката сака периодот да го искористи за одмор, релаксација и уживање во слободното време.
