Ужасниот пожар во дискотеката во Кочани го зеде животот на Андреј Ѓорѓиески, познат како Андреј од популарната група „ДНК“, кој го жртвуваше својот живот за да спаси деца кои биле на настапот.
Овој трагичен инцидент, кој однесе 59 животи и остави повеќе од 150 повредени, го потресе целиот регион. Андреј, човек познат по своето големо срце и хуманитарен дух, ги остави зад себе сопругата Наталија и ќеркичката Јана, која сега мора да се соочи со животот без татко.
Наталија Ѓорѓиеска, скоро една недела по трагедијата, сподели на својот инстаграм-профил еден трогателен разговор со својата ќерка Јана. Малото девојче изговори зборови кои ја распаруваат душата и покажуваат колку е силна врската помеѓу мајката и ќерката, но и тешкотијата на животот без татко:
Мамо, сакам да бидам дома, зашто ЈАС ти требам тебе… А и ти ми требаш мене“, изјави Јана.
Поврзани објави
Но ова не е единственото сведоштво на љубовта и посветеноста што Андреј ја имал кон својата ќерка. Во едно емотивно интервју, Андреј ги сподели своите чувства за Јана, која, како што рекол, ја пополнила празнината во неговото срце:
Јана во мене пополни еден празен дел и веќе во огледало не го гледам Андреја, туку сè повеќе ја гледам неа“, изјави тој за својата ќерка, што ги покажува длабоката врска и љубовта што ја имал кон неа.
Со неговата смрт, семејството на Андреј останува без љубовта и поддршката што им ја давал, но спомените за неговата храброст и посветеност ќе останат засекогаш. Семејството и пријателите остануваат со тешката задача – да продолжат напред и да се сеќаваат на неговата хуманост и љубов, која ја носел во себе.
Фото: Printscreen Instagram
