Одговарајќи на жалбите на граѓаните на с. Батинци, но и пошироко на
селата во Каршијака – Скопско, кои протестираат против тоа што се
случува во депонијата „Дрисла“, АлтернАтивА го подржува најавениот
граѓански протест за петок (15.09.2023) и повикува на масовно учество.
Од тоа што сме информирани деновиве од терен, но и од грозните слики кои
се појавија на социјалните мрежи, резултира дека на таа депонија, освен
отровните материи кои го загадуваат воздухот и водата, таму се фрлаат и
абортирани или мртви бебиња, фетуси и човечки екстремитети, кои потоа
животните и инсектите ги носат надвор од депонијата, предизвикувајќи не
само страв кај жителите на таа околина, туку и болести за жителите од
овој крај.
Токму ова е причината ние како партија да го кренеме гласот на протест и
да бараме од сите институции на централната власт, особено од
Министерството за животна средина, Министерството за внатрешни работи,
од Санитарниот инспекторат и Инспекторатот за животна средина, но и од
Градот Скопје, а посебно од Јавното обвинителство, да преземат мерки за
потврдување на овие информации и заштита на животот на граѓаните. Во
спротивно, тие се соучесници во убиството на оваа население и во
злосторството извршено врз нивните животи.
Ни ќе продолжиме да ја следиме оваа ситуација и да алармираме секаде кај
што се слуша нашиот глас, убедени дека ништо нема поголема вредност од
човечкиот живот.
АлтернативА е со учесниците на овој протест и против злоупотребата во
депонијата „Дрисла“.
АлтернАтивА – Скопје