Љубомората е нешто што нема никаква врска со реалноста, туку само со начинот на кој нашиот мозок ја толкува оваа реалност. Љубомората во врската е негативна емоција која се јавува поради чувството дека не добиваме доволно внимание и љубов од партнерот, проследено со сомнеж дека партнерот тоа внимание го дава на некоја друга.
Како да престанете да и љубоморите на неговата поранешна девојка?
Пред се, прифатете ги вашите чувства: тие постојат, тие се нормални, не ве прават лоши. Потоа размислете од што се состои љубомората? Дополнете ги речениците: „Јас сум лута затоа што…“, „Навредена сум што…“, „Сакам да…“
Ставете се во кожата на партнерот и погледнете ја ситуацијата низ неговите очи: што му значи поранешната девојка? И, исто така, запомнете дека пред него и вие сте имале врски и познававте луѓе кои што некогаш сте ги ценеле и сакале. Каков е вашиот однос со нив сега?
Можете да разговарате со партнерот за тоа што ве загрижува, но немојте да почнете со обвинувања, користете ја „јас-изјавата“, споделете ги вашите чувства. Научете и да слушате и прифаќате што вели вашиот сакан, научете да му верувате дури и кога станува збор за неговата поранешна девојка. Што ви е поважно – вашата врска или вашите предрасуди?
Поврзани објави
Целата енергија што ја трошите за да бидете љубоморни на неговата поранешна девојка, фокусирајте ја на развивање на врската. Ако ви недостига љубов и внимание разговарајте на таа тема. Ако сакате вашиот партнер да ве покани на состанок или да ви подари нешто, покажете му го со пример.
Запомнете дека сте вредни, а ако не се чувствувате така, тогаш, пред сè, не се работи за вашиот партнер, туку за вас – обратете се кај експерт за да го решите овој проблем.
Минатото не треба да се меша со сегашноста
Вашиот партнер не мора да открива сè за себе, исто како и вие. Тоа е дел од вашиот личен приватен простор. Зрела врска не е онаа во која партнерите знаат сè еден за друг, туку онаа во која почитувањето на личните граници и минатите искуства е на прво место.
Ако вашиот партнер премногу често зборува за пријатни моменти од минатите врски, ако неговата поранешна девојка е честа тема или ве споредува и вели дека тогаш му било подобро – ова е веќе кршење на вашите граници, имате право да објасните како се чувствувате и побарајте од него да го промени тоа.
