Девојката од Бугарија Андреа Иванова (26) не престанува да ги полни интернет сајтовите, благодарение на својот изглед. Таа пред неколку години реши драстично да го промени својот изглед, а сега важи за сопственичка на „најголемите усни на светот“, а само на филери на јаболчниците потрошила десетици илјади евра.
Сепак, изгледа Андреа не планира да престане, а неодамна направи нова естетска процедура. Таа и вбризгувала филери во носот за да ги изедначи работите. Нивната цел е подмладување и спречување на брчки во оваа област на лицето.
Првпат се најде на насловните страници кога направи шест зафати во еден ден. Таа претходно откри дека лекарите ја предупредиле дека дополнителното полнење може да биде „опасно по живот“.
– Мојот доктор рече дека е многу важно (да има филер) на овие места како да го нема, а потоа моето лице ќе изгледа старо со текот на годините. Бидејќи имам големо количество филер во усните како и јаболчниците, на двете страни на лицето ми се наталожуваат течности што предизвикуваат брчки. Таквите деликатни области мора редовно да се хидрираат и освежуваат за да ги одржуваат работите свежи и млади, објасни таа претходно.
Подготвена за нова процедура
Само за филери за усни платила речиси 2.000.000 денари и тврди дека е исклучително задоволна од резултатите. Сепак, како експерт за козметика, таа преку видео истакна дека нејзините брчки станале повидливи, и дека е време за нова процедура.
– Мојот доктор е загрижен за некрозата на ткивото на моите усни, но се додека внимавам и не заборавам да хидратирам, би требало да бидам добро. Тешко е да се насмевнувам и морам да пијам многу вода бидејќи хијалуронската киселина делува како сунѓер. Не можам силно да го тријам лицето со рацете кога го мијам, ниту да правам ненадејни движења во новоинјектираните области. Но, повторно ќе ги вбризгам назолабијалните набори бидејќи сакам усните и образите да ми бидат пополни – објаснила таа.
