Table of Contents
Со децении наназад, кога се зборуваше за биолошки часовник, фокусот речиси секогаш беше насочен кон жените. Тие се предупредувани за годините, за опаѓањето на квалитетот на јајце-клетките, за ризиците во бременоста по 35. година. Мажите, пак, традиционално се сметаа за вечно плодни, ослободени од притисокот на времето.
Но науката денес вели нешто сосема поинакво.
Часовник што отчукува потивко, но постојано
Најновите научни истражувања покажуваат дека и мажите имаат биолошки часовник, само што тој не е толку очигледен и не се манифестира на ист начин како кај жените. Наместо видлив пад на плодноста во одредена возраст, кај мажите процесот се одвива потивко – на генетско ниво.
Имено, додека жените и покрај намалувањето на бројот на јајце-клетки, релативно долго го задржуваат нивниот квалитет, кај мажите ситуацијата е поинаква. Машкото тело постојано произведува нови сперматозоиди, но токму овој континуиран процес со текот на годините може да доведе до генетски грешки.
Што значи тоа за плодноста и потомството?
Како што мажите стареат, се зголемува веројатноста за:
Поврзани објави
-
намалена плодност,
-
потешкотии при зачнување,
-
зголемен ризик од спонтан абортус,
-
појава на одредени невролошки нарушувања кај децата.
Истражувањата поврзуваат повисока возраст на таткото со зголемен ризик од состојби како аутизам, како и други развојни нарушувања. Овие промени не значат дека секој постар татко ќе се соочи со проблеми, но јасно укажуваат дека возраста има значење и кај мажите.
Време е за нова перспектива
Овие сознанија целосно го менуваат досегашниот наратив. Биолошкиот часовник не е исклучиво „женска тема“, туку прашање што ги засега и двата пола. Разликата е само во начинот на кој тој отчукува.
Затоа, ако досега сте верувале дека времето не игра улога кога станува збор за машкото репродуктивно здравје, време е да ја смените перспективата. Машкиот биолошки часовник навистина постои – и непрекинато отчукува, дури и кога не сме свесни за тоа.
Текст: Убавина и здравје
