Преминот од лето кон есен носи промени не само во природата, туку и во гардеробата. Во деловниот свет, важно е да изгледате професионално и уредно, но и да се прилагодите на временските услови кои можат да бидат непредвидливи, утрата се посвежи, деновите се сè уште топли, а вечерите се ладни. Затоа деловните комбинации се совршена можност да го покажете вашето чувство за стил, практичност и елеганција.
Слоевитост – клучот за успешен деловен аутфит за доцно лето и рана есен
Слоевитата облека е вистински сојузник во овој период. Лесните блузи и кошули изработени од природни материјали (памук, вискоза, лен) можат да се комбинираат со лесни сакоа, кардигани или тенки палта. Елеците се исто така одличен избор, тие даваат структура на аутфитот без прегревање. За долниот дел, изберете лесни панталони или здолништа со средна должина кои се и удобни и професионални. Фармерките во темни нијанси можат да поминат во деловна средина ако се стилизирани правилно, на пример, со кошула и јакна.
Палета на бои – од летни тонови до есенски нијанси
Доцното лето е време кога полека преминуваме од светли летни тонови кон помирни, потопли нијанси. Наместо чисти пастелни бои, изберете попригушени варијанти: валкано розова, маслинесто зелена, сенф жолта, бордо, теракота боја и секогаш популарни неутрални тонови, беж, сива, кафеава и класична црна. За рамнотежа комбинирајте посветли тонови со потопли есенски нијанси: на пример, беж панталони и бордо кошула, или светло сива здолниште и маслинесто зелено сако.
Поврзани објави
Облеката во овој период треба да овозможи слобода на движење, но и да ја одржи јасно дефинирана силуетата. Лесно сако е идеално за преодниот период. Кошулите со широки ракави или блузи со дискретни детали даваат женственост без да ја изгубат сериозноста. Пантолоните со висок струк и подолгите миди здолништа убаво ја нагласуваат фигурата, а воедно изгледаат професионално. Кошула-фустаните се практични, елегантни и лесно може да се стилизираат со сако или балетанки.
Обувки и додатоци
Во овој период, често ги менуваме обувките во текот на денот. Балетанките, мокасините и чевлите со тесни врати се одличен избор за топлите денови, додека лакираните чизми до глужд или чизмите до глужд може да се користат во посвежите утра. Чантите во цврста форма, со минимални детали, изгледаат професионално и ви овозможуваат да носите сè што ви е потребно за работа. Додадете дискретен накит, тенки нараквици, мали обетки или часовник, што ќе го комплетира изгледот.
Фото: Instagram/ @darya_kryzhanovskaya , @yanamaynik
