Истражувањата покажуваат дека изгорениците од сонце пред 19-годишна возраст го зголемуваат ризикот од рак на кожата во зрелоста.
Меланомот се јавува на кожата, но и на мукозните мембрани, ноктите или во окото. Толку е важно да се оди на редовни офталмолошки прегледи кои можат навреме да го откријат овој меланом. Исто така, многу е важно да се користат очила со сертифициран филтер, кој блокира 99 проценти од УВ-зрачењето.
Кај околу 30 проценти од пациентите со меланом на кожата, туморот се појавува кај веќе постоечка бенка, а кај 70 проценти од пациентите се јавува на претходно целосно непроменета кожа.
Точно е дека луѓето со потемна кожа се изложени на помал ризик од рак на кожата, но тоа не значи дека тие се ослободени од примена на заштитен фактор или од редовни прегледи на кожата.
Изложеноста на ултравиолетово зрачење од солариум пред 35-та година ги зголемува вашите шанси за меланом до 75 проценти.
Крварење, црвенило, болка, чешање може да укажуваат и на малигна промена…
Препаратот за заштита од УВ-зрачење треба да се нанесува 20 до 30 минути пред излегување на сонце. По час и половина до два, потребно е да се нанесе уште еден слој во доволна количина.
Нанесувањето на крем за сончање треба да се повторува по капење и бришење со крпа, дури и кога се во прашање водоотпорните средства. Не заборавајте да ги заштитите усните, ушите, носот и стапалата.
Дерматолозите сметаат дека не е прифатливо да се користи фактор помал од 30 содржан во козметичките производи, бидејќи тие не се наменети за заштита од сонце, туку за против стареење.
Препаратите во Европа со максимална заштита се означени со заштитен фактор 50+ и се смета дека секој поголем заштитен фактор е бесмислен, бидејќи факторот 50+ блокира 98 проценти од УВ-зрачењето. Нема начин да ги блокирате 100%.
Поврзани објави
На производот, за да се смета за квалитетен според денешните стандарди, мора да има и UVA ознака во круг, што значи дека производот нè заштитува и од ултравиолетовите зраци А, кои медицината подоцна ги истражуваше во однос на основните УВ-зраци.
ABCDE
Таканареченото правило ABCDE, именувано според англиските називи, е корисно за проценка на сомнителните промени: асиметрија на промените (Asimmetry), неправилности на границата (Borders), присуство на повеќе бои, т.е. нерамномерност на бојата (Color), дијаметар поголем од 6 мм (Diameter) и развој или зголемување на промената (Evolution).
Од овие критериуми, сите експерти се согласуваат дека Е е најважен. Колку и да е мала промената, најголемо внимание треба да се насочи кон сè што е ново или што се менува.
У&З-ИЗБОР ЗА ЗАШТИТА ОД СОНЦЕ ОВА ЛЕТО:
Ултралесна формула со висок фактор за заштита од сончевите зраци во спреј, кој се карактеризира со висока водоотпорност, Anthelios Body Mist XL, La Roche Posay SPF 50.(1.868 ден.)
Млеко во спреј за заштита од сонце Afrodita Cosmetics SUN CARE содржи СПФ 30. Водоотпорната формула нуди висока и сигурна заштита од штетните УВА и УВБ-зраци. Лесно се нанесува (дури и на влажна кожа), брзо се впива и не остава мрсна фолија.
HELIOCARE 360 Airgel SPF 50 е иновативна заштита во облик на пена со ниска густина, а со многу висока фотоимуна заштита. Обезбедува широк спектар на заштита од УВА, УВБ-зраци, видлива светлина и од инфрацрвени зраци. (979 ден.)
ФОТО: CENTRALITALLIANCE / ISTOCK VIA GETTY IMAGES PLUS, PR
